PTH÷ កាលពីថ្ងៃសុក្រ ទី២៤ ខែមេសា ឆ្នាំ២០២៦ ឯកឧត្តម សក់ សេដ្ឋា ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានអចិន្ត្រៃយ៍ នៃ គ.ជ.អ.ប. ជួបប្រជុំជាមួយ លោក អានដូ ណាអូគី(Ando Naoki) នាយកគ្រប់គ្រងការិយាល័យកណ្តាលនៃJICA នៅទីក្រុងតូក្យូ ដើម្បីពិភាក្សាការងារអំពីការបន្តកិច្ចសហប្រតិបត្តិការនាពេលខាងមុខទៀត។ ក្នុងថ្ងៃដដែលនេះ គណៈប្រតិភូកម្ពុជា ក៏ចូលរួមស្តាប់ការធ្វើបទបង្ហាញស្ដីពីរដ្ឋបាលមេត្រូប៉ូលីតែន ទីក្រុងពិសេស និងបញ្ហាប្រឈមនានានៃទីក្រុងធំៗ ដោយ ឯកឧត្តម អុអេដា ម៉ាសាយ៉ា ( Ueda Masaya) អគ្គនាយក នៃអគ្គនាយកដ្ឋានរដ្ឋបាលមូលដ្ឋាន ក្រសួងកិច្ចការផ្ទៃក្នុងនិងទំនាក់ទំនង(ក្រសួងមហាផ្ទៃ)៕

ក្នុង រយៈពេល៦ថ្ងៃប្រជាពលរដ្ឋ និងកម្មករកម្មការនីជិត១២ម៉ឺននាក់ បានទទួលសេវា រថយន្តក្រុងសាធារណ:របស់ រដ្ឋបាលរាជធានីភ្នំពេញ ដោយ ឥតគិតថ្លៃ ទៅលេង ស្រុកកំណើតក្នុងឱកាសបុណ្យចូលឆ្នាំថ្មីឆ្នាំមមី ២០២៦។ លោកស្រី ដោ សម្ផស្ស នាយករង និងជាអ្នកនាំពាក្យរដ្ឋបាលរាជធានីភ្នំពេញ នាព្រឹកថ្ងៃទី១៨ ខែមេសា ឆ្នាំ២០២៦នេះ បានឱ្យដឹងថាក្នុងរយៈពេល៦ថ្ងៃ ពីថ្ងៃទី ១២ដល់ថ្ងៃទី១៧ ខែមេសា មានប្រជាពលរដ្ឋជិត១២ម៉ឺននាក់ បានទទួលសេវា ដឹកជញ្ជួនរថយន្តក្រុងសាធារណៈ របស់រដ្ឋបាលរាជធានីភ្នំពេញ ដោយឥតគិតថ្លៃ ។ ក្នុងឱកាសអបអរសាទរពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ គ.ស.២០២៦នេះ ក្រោយពីមានការណែនាំ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី Read more

បើតាមការសិក្សាថ្មីមួយរបស់អង្គការសហប្រជាជាតិ (UN) បានឱ្យដឹងថា សង្គ្រាមរបស់សហរដ្ឋអាម៉េរិក និងអ៊ីស្រាអែលប្រឆាំងអ៊ីរ៉ង់ ត្រូវបានគេជឿជាក់ថា បានបំផ្លាញកំណើនសេដ្ឋកិច្ចប្រទេសអារ៉ាប់ជិត ២០០ពាន់លានដុល្លារនៅទូទាំងតំបន់មជ្ឈិមបូព៌ា។ នេះបើយោងតាមការចេញផ្សាយដោយសារព័ត៌មាន Reuters។  យោងតាមការវិភាគរបស់កម្មវិធីអភិវឌ្ឍន៍អង្គការសហប្រជាជាតិ (UNDP) បានឱ្យដឹងអំពីផលវិបាកសេដ្ឋកិច្ច និងសង្គម សម្រាប់បណ្ដារដ្ឋអារ៉ាប់បានឱ្យដឹងថា ប្រទេសអារ៉ាប់អាចនឹងខាតបង់ចន្លោះពី ១២០ ពាន់លានដុល្លារ ទៅ ១៩៤ ពាន់លានដុល្លារ ពីផលិតផលក្នុងស្រុកសរុប (GDP) ដោយសារតែការរំខានពីសង្គ្រាមអ៊ីរ៉ង់។ ទីភ្នាក់ងារនេះបានលើកឡើងថា ខ្លួនបានសិក្សាពីសេណារីយ៉ូផ្សេងៗគ្នាមួយចំនួន ដើម្បីកំណត់ពីរបៀបនៃជម្លោះ ដែលបានចាប់ផ្តើមកាលថ្ងៃទី២៨ ខែកុម្ភៈ អាចប៉ះពាល់ដល់ប្រទេសនានានៅក្នុងតំបន់។ អ្នកផ្តួចផ្តើមរបាយការណ៍នេះ ក៏បានព្រមានដែរថា ការខូចខាតអាចធ្ងន់ធ្ងរ បើសិនជាសង្គ្រាមបញ្ចប់ក្នុងពេលឆាប់ៗនេះក៏ដោយ។  គួរបញ្ជាក់ថា ការខាតបង់សរុបអាចបណ្តាលឱ្យអត្រាគ្មានការងារធ្វើក្នុងតំបន់ កើនឡើងរហូតដល់ ៤ ភាគរយ ដែលធ្វើឱ្យបាត់បង់ការងារប្រហែល Read more

ថ្មីៗនេះមានការរាយកាណ៍ និងសំណូមពរ ពីប្រជាពលរដ្ឋក្នុងក្រុងប៉ោយប៉ែត បានសម្តែងការមិនពេញចិត្តយ៉ាងខ្លាំង និងបានរិះគន់ចំៗទៅលើអាជ្ញាធរមានសមត្ថកិច្ច បន្ទាប់ពីសង្កេតឃើញថា ការលក់ដូរភេសជ្ជៈចម្រាញ់ចេញពីស្លឹកក្រាធំ បានត្រឡប់មកមានសកម្មភាពយ៉ាងគគ្រឹកគគ្រេងឡើងវិញ ហាក់បីដូចជាគ្មានការខ្លាចញញើតច្បាប់ទាល់តែសោះ។ គួររំលឹកផងដែរ សារធាតុស្លឹកកា្រធំ ប៉ះពាល់យ៉ាងធ្ងន់ធ្ងរដល់សុខភាពត្រូវបានគេយកមកផលិតបំលែងជាភេសជ្ជៈមួយចំនួនដែល ប្រឈមហានិភ័យខ្ពស់ដល់អ្នកប្រើប្រាស់វា ។ អាជ្ញាធរ និងកម្លាំងសមត្ថកិច្ចនៅខេត្តបន្ទាយមានជ័យបានធ្វើការបង្ក្រាបទប់ស្កាត់ និងបានផ្សព្វផ្សាយដល់ប្រជាពលរដ្ឋ ពិសេស សិស្សានុសិស្ស និងយុវវ័យមិនត្រូវផឹកឬ ប្រើប្រាស់ភេសជ្ជៈដែលចម្រាញ់ចេញពីស្លឹកកា្រធំ ។ បើតាមលោក ណង វុទ្ធី នាយករដ្ឋបាលសាលាខេត្តបន្ទាយមានជ័យ អ្នកនាំពាក្យសាលាខេត្ត បានបង្ហាញនូវឯកសាររូបភាពស្លឹកកា្រធំស្រដៀងស្លឹកថ្កូវ និងមួយទៀតស្រដៀងស្លឹកខ្ទុំ គ្រាន់តែស្លឹកវាធំហើយមានទងវែង។ ដើមក្រាធំកម្រមាននៅក្នុងស្រុកយើង ភាគច្រើនគេទិញស្លឹកនេះពីប្រទេសថៃ។ លោកនាយករដ្ឋបាលសាលាខេត្តបន្ទាយមានជ័យ បានបញ្ជាក់បន្ថែមជុំវិញផលិតផលសម្រេចជាទឹកភេសជ្ជៈដែលត្រូវបានគេចម្រាញ់ពីស្លឹកកា្រធំ ឬកាធំនេះ វានាំឲ្យប៉ះពាល់សុខភាពអ្នកផឹក ក្នុងនោះមានយុវជន កម្មករហើយក្នុងពេលថ្មីៗនេះវាបាន រាលដាលទៅដល់សិស្សានុសិស្ស ៕

ឯកឧត្តម ឧត្តមសេនីយ៍ឯក ឌី វិជ្ជា បានថ្លែងនូវការកោតសរសើរ ដល់កងកម្លាំងគ្រប់លំដាប់ថ្នាក់ ដែលបានខិតខំ និងសហការជាមួយកម្លាំងសមត្ថកិច្ចពាក់ព័ន្ធ អាជ្ញាធរគ្រប់លំដាប់ថ្នាក់ ការពារសន្តិសុខ ជារួម នៅទូទាំងប្រទេស មានភាពល្អប្រសើរ គ្រប់គោលដៅកម្សាន្តសប្បាយ វត្តអារាម តំបន់ទេសចរណ៍ រមណីយដ្ឋាន និងកន្លែងប្រារព្ធពិធីសង្ក្រាន្ត នៅតាមរាជធានី-ខេត្ត បានដំណើរការ ទៅដោយរលូន និង មានសុវត្ថិភាព។ ការកោតសរសើររបស់ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាន គណៈបញ្ជាការប្រចាំការអចិន្រ្តៃយ៍ ធ្វើឡើងក្នុងកិច្ចប្រជុំស្តីពីការបូកសរុបសភាពការណ៍ និងលទ្ធផល កិច្ចប្រតិបត្តិការរយៈពេល៣ថ្ងៃ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ។ យោងតាមរបាយការណ៍របស់ លោកឧត្តមសេនីយ៍ទោ ចាន់ សម្បត្តិ ប្រធាននាយកដ្ឋានសរុបផែនការ Read more

នាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា (FFC) បានចំណាយពេល ២០ឆ្នាំហើយ ក្នុងការដឹកនាំសហព័ន្ធ និងអភិវឌ្ឍន៍វិស័យកីឡាដ៏មានប្រជាប្រិយលើពិភពលោកមួយនេះ ជាមួយសមិទ្ធផលគួរឲ្យមានមោទនភាព តែក៏មានសេចក្ដីអៀនខ្មាស់ ចំពោះការមិនទាន់សម្រេចបំណងជូនអ្នកគាំទ្រផងដែរ។ ថ្លែងក្នុងមហាសន្និបាតលើកទី២០ របស់សហព័ន្ធកីឡាបាល់ទាត់កម្ពុជា នៅថ្ងៃទី២១ ខែកុម្ភៈនេះ ប្រធានសហព័ន្ធខាងលើបានគូសបញ្ជាក់ថា «ឆ្នាំនេះ គឺមានរយៈពេល ២០ឆ្នាំគត់ ដែលខ្ញុំចាប់ផ្ដើមចូលរួមក្នុងវិស័យបាល់ទាត់។ ខ្ញុំមានទាំងមោទនភាព និងភាពសប្បាយរីករាយ ប៉ុន្ដែខ្ញុំក៏មានការអៀនខ្មាស់ណាស់ដែរ»។ លោក សៅ សុខា បន្ដថា «ខ្ញុំសប្បាយ ត្រង់ថា ពេលខ្ញុំចាប់ផ្ដើមធ្វើបាល់ទាត់ នៅកម្ពុជា មានទីលានបាល់ទាត់ មានតែពហុកីឡដ្ឋានជាតិមួយដែលមានស្មៅ…។ រហូតមកដល់ថ្ងៃនេះ យើងមានសកម្មភាពបាល់ទាត់ទូទាំងប្រទេស និងគ្រប់ទីកន្លែង សូម្បីតែមន្ដ្រីរាជការរបស់រាជរដ្ឋាភិបាល និងកម្មវិធីសំខាន់ៗ តែងយកបាល់ទាត់មកធ្វើការជួបជុំគ្នា ។ ខ្ញុំគិតថានេះគឺជាជោគជ័យ Read more

រដ្ឋាភិបាលរុស្ស៊ីបានប្រកាសថា កម្មវិធី WhatsApp ដែលជាកម្មសិទ្ធិរបស់ Meta Platforms ត្រូវបានបិទនៅក្នុងប្រទេសរុស្ស៊ីទាំងស្រុងតែម្តង ព្រោះក្រុមហ៊ុនមិនបានគោរពតាមច្បាប់ក្នុងស្រុក។ នេះបើតាមការចេញផ្សាយដោយសារព័ត៌មាន Reuters នៅថ្ងៃទី១៣ ខែកុម្ភៈ ឆ្នាំ២០២៦។ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ការសម្រេចបិទនេះគឺបានអនុវត្តរួចហើយ ហើយបានណែនាំឲ្យប្រជាជនប្រើកម្មវិធី «MAX» ដែលជាកម្មវិធីផ្ញើសាររបស់រុស្ស៉ីជំនួសវិញ។ លោកបានបញ្ជាក់ថា MAX គឺជាជម្រើសដែលអាចប្រើបាន MAX គឺជាកម្មវិធីផ្ញើសារទំនើបដែលអភិវឌ្ឍដោយក្រុមហ៊ុន VK ដែលជាក្រុមហ៊ុនបច្ចេកវិទ្យារបស់រុស្ស៊ី។ ការបិទ WhatsApp ដែលជាកម្មវិធីផ្ញើសារពេញនិយមបំផុតនៅរុស្ស៊ី គឺជាលទ្ធផលនៃសម្ពាធរយៈពេល៦ខែ លើក្រុមហ៊ុនអាមេរិក។ វាក៏បង្ហាញពីគោលនយោបាយរបស់រុស្ស៊ី ក្នុងការបង្កើតប្រព័ន្ធទំនាក់ទំនងក្នុងដែនអធិបតេយ្យរបស់ខ្លួន និងបង្ខំឲ្យក្រុមហ៊ុនបច្ចេកវិទ្យាបរទេសគោរពច្បាប់ក្នុងស្រុក បើមិនដូច្នេះទេនឹងត្រូវបិទ។ ជុំវិញការបិទកម្មវិធីនេះ ក្រុមហ៊ុន Read more