Category: ថ្នាក់ក្រោមជាតិ

PTH÷ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានណែនាំនិងជំរុញ ឱ្យអាជ្ញាធរក្រុង និងបងប្អូនអាជីវករលក់ ត្រូវចូលរួមក្នុងការរៀបចំសណ្តាប់ធ្នាប់ បរិស្ថានអនាម័យជុំវិញផ្សារ បង្កភាពងាយស្រួលដល់ប្រជាពលរដ្ឋចូលទិញទំនិញផ្សេងៗ។ការណែនាំបែបនេះបានធ្វើឡើង នៅថ្ងៃទី២៥ ខែមករា ឆ្នាំ២០២៦ ខណៈដែលឯកឧត្តម ខូយ រីដា រួមដំណើរដោយលោកអភិបាលរងខេត្ត នាយករងរដ្ឋបាលសាលាខេត្ត ថ្នាក់ដឹកនាំមន្ទីរពាក់ព័ន្ធ អាជ្ញាធរក្រុងពោធិ៍សាត់ គណៈកម្មការគ្រប់គ្រងផ្សារនិងអ្នកទទួលបន្ទុកភាស៊ីបានអញ្ជើញចុះជួបសំណេះសំណាលសួរសុខទុក្ខបងប្អូនអាជីវករលក់ដូរ ជុំវិញផ្សារថ្មីពោធិ៍សាត់។ឯកឧត្តម អភិបាលខេត្ត សូមឱ្យអាជ្ញាធរក្រុង និងអ្នកពាក់ព័ន្ធ ត្រូវរួមសហការរៀបចំទីតាំងលក់ដូរឱ្យមានរបៀបរាបរយ សណ្តាប់ធ្នាប់ល្អទៅតាមទីតាំងបានកំណត់ កុំបណ្តែតបណ្តោយឲ្យមានការដាក់លក់ទំនិញលើផ្លូវ តាមបែបអណាធិបតេយ្យបង្កការប៉ះពាល់ដល់អ្នកធ្វើដំណើរ ជាពិសេសអ្នកចូលទិញទំនិញ ។ ចំពោះសមត្ថកិច្ចមូលដ្ឋាន គណៈកម្មការផ្សារនិងសន្តិសុខត្រូវទទួលខុសត្រូវខ្ពស់លើការងារសន្តិសុខសុវត្ថិភាព នៅក្នុងនិងជុំវិញផ្សារ ព្រមទាំងបង្កើនការយកចិត្តទុកដាក់ក្នុងការគ្រប់គ្រងរាល់សំរាម កាកសំណល់រឹង រាវ និងប្រព័ន្ធបង្ហូរទឹកជុំវិញផ្សារជាពិសេសបរិវេណមុខផ្សារឱ្យបានស្អាត់ល្អនិងមានសោភ័ណ្ឌភាព ។ឯកឧត្តមក៏បានលើកឡើងផងដែរថា Read more

PTH÷ រដ្ឋបាលខេត្តព្រះសីហនុ នៅថ្ងៃទី២៤ ខែមករា ឆ្នាំ២០២៦ បានរៀបចំពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារបន្តឆ្នាំ២០២៦ របស់រដ្ឋបាលខេត្តព្រះសីហនុ ក្រោមអធិបតីភាពដ៏ខ្ពង់ខ្ពស់ ឯកឧត្ដម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារចុះមូលដ្ឋានខេត្តព្រះសីហនុ។ពិធីនេះក៏មានការចូលរួមពីឯកឧត្ដម ម៉ាង ស៊ីណេត អភិបាលខេត្តព្រះសីហនុ និងមន្ត្រីរាជការ កងកម្លាំងប្រដាប់អាវុធ មន្ត្រីពាក់ព័ន្ធជាច្រើនរូបទៀត។មានប្រសាសន៍នាឱកាសនោះ ឯកឧត្ដម សាយ សំអាល់ បានរំលឹកពីសាវតានៃប្រព័ន្ធចុះមូលដ្ឋានរបស់កម្ពុជា ដែលកើតឡើងក្រោយឆ្នាំ១៩៧៩។ គ្រានោះកម្ពុជាបានចាប់ផ្ដើមមានប្រព័ន្ធចុះមូលដ្ឋាន ដោយបានចាត់មន្ត្រីជាន់ខ្ពស់២រូប ទៅប្រទេសម៉ាឡេស៊ី ដើម្បីសិក្សាពីប្រព័ន្ធចុះមូលដ្ឋានរបស់គេ កាលពីឆ្នាំ១៩៩១។ ឯកឧត្ដមបានបន្តថា ចាប់ពីពេលនោះរហូតមកដល់បច្ចុប្បន្ន យើងមានប្រព័ន្ធចុះមូលដ្ឋានច្បាស់លាស់ តែមានលក្ខណៈពិសេសបន្ដិច គឺការចុះមូលដ្ឋានដើម្បីមកសិក្សារៀនសូត្រ ក្នុងគោលដៅស្វែងយល់បន្ថែមពីបរិបថប្រទេសរបស់យើង។ ឯកឧត្ដមឧបនាយករដ្ឋមន្ត្រី សាយ សំអាល់ Read more

PTH÷ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីផ្សព្វផ្សាយអនុក្រឹត្យស្ដីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្ដុំរបស់រាជរដ្ឋាភិបាលជូនដល់អភិបាលក្រុង ស្រុក អធិការក្រុង ស្រុក មេបញ្ជាការកងរាជអាវុធហត្ថក្រុង ស្រុក ដើម្បីធានាដល់ សន្តិសុខ សុវត្ថិភាពសង្គម និងសណ្តាប់ធ្នាប់សាធារណៈ។ពិធីផ្សព្វផ្សាយនេះធ្វើឡើងនៅសាលប្រជុំសាលាខេត្តបាត់ដំបង នៅថ្ងៃទី២២ ខែមករា ឆ្នាំ២០២៦នេះ ដោយមានការអញ្ជើញចូលរួមពីព្រះរាជអាជ្ញាអមសាលាដំបូងខេត្ត អភិបាលរងខេត្ត នាយករដ្ឋបាលសាលាខេត្ត ស្នងការនគរបាលខេត្ត មេបញ្ជាការកងរាជអាវុធហត្ថខេត្ត ស្នងការរង និងមេបញ្ជាការរងកងរាជអាវុធហត្ថខេត្ត។សូមជម្រាបថា អនុក្រឹត្យស្ដីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្ដុំ មានវិសាលភាព អនុវត្តចំពោះប្រធានអង្គភាព ឬម្ចាស់ទីតាំងរស់នៅប្រមូលផ្តុំ ឬអ្នកគ្រប់គ្រងទីតាំងរស់នៅប្រមូលផ្តុំ និងអ្នកស្នាក់នៅ តាមទីតាំងរស់នៅប្រមូលផ្តុំនៅក្នុងព្រះរាជាណាចក្រកម្ពុជា លើកលែងតែកន្លែងស្នាក់នៅប្រមូលផ្តុំ របស់កងយោធពលខេមរភូមិន្ទ និងកងកម្លាំងនគរបាលជាតិ។បើយោងតាមមាត្រា៤ នៃអនុក្រឹត្យនេះ បញ្ជាក់ថា ក្រសួងមហាផ្ទៃ គឺជាអ្នកមានសមត្ថកិច្ចដឹកនាំអនុក្រឹត្យស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំ ដោយរដ្ឋាភិបាលតម្រូវឱ្យក្រសួងមហាផ្ទៃធ្វើប្រតិភូកម្មការងារគ្រប់គ្រងការស្នាក់នៅ Read more

PTH÷ នៅព្រឹកថ្ងៃទី២២ ខែមករា ឆ្នាំ២០២៦ រដ្ឋបាលខេត្តកណ្តាល បានរៀបចំពិធីបើកសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ ក្រោមអធិបតីភាព ឯកឧត្តម នូ សាខន ប្រធានក្រុមប្រឹក្សាខេត្ត និងឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល ដោយមានការចូលរួមពី ឯកឧត្តម លោជំទាវសមាជិកក្រុមប្រឹក្សាខេត្ត ឯកឧត្តម លោកជំទាវអភិបាលរងខេត្ត ព្រមទាំងអភិបាលក្រុង-ស្រុកទាំង១៣ មន្ទីរអង្គភាពពាក់ព័ន្ធជុំវិញខេត្ត និងអាជ្ញាធរឃុំ-សង្កាត់ជាច្រើនរូបផងដែរ។សូមបញ្ជាក់ថា សន្និបាតនេះធ្វើឡើងដើម្បីឆ្លុះបញ្ចាំងអំពីការអនុវត្តការងារ និងសមិទ្ធផលសម្រេចបានក្នុងនាមជាតំណាងរាជរដ្ឋាភិបាល ក្នុងការថែរក្សាសុខសន្តិភាព សុវត្ថិភាព ស្ថិរភាពនយោបាយ និងសន្តិសុខសណ្តាប់ធ្នាប់សាធារណៈ ជាពិសេសអាទិភាពគន្លឹះទាំង៥ មនុស្ស ផ្លូវ ទឹក ភ្លើង និងបច្ចេកវិទ្យា និងការផ្តល់សេវារដ្ឋបាល សេវាសាធារណៈនានា ជូនប្រជាពលរដ្ឋ Read more

PTH÷ រដ្ឋបាលខេត្តព្រះវិហារ បានរៀបចំពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារឆ្នាំ២០២៦ របស់រដ្ឋបាលខេត្តព្រះវិហារក្រោមអធិបតីភាពឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារ។ពិធីនេះក៏មានការអញ្ជើញចូលរួមពីសំណាក់ឯកឧត្តម អ៊ុំ ម៉ារ៉ា អនុរដ្ឋលេខាធិការក្រសួងមហាផ្ទៃ ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត ឯកឧត្តម គីម រិទ្ធី អភិបាលខេត្តព្រះវិហារ ព្រមទាំងមានការចូលរួមពីសំណាក់ ឯកឧត្តមអនុប្រធានក្រុមការងាររាជរដ្ឋាភិបាលចុះមូលដ្ឋានខេត្ត ឯកឧត្តម លោកជំទាវ ជាសមាជិកក្រុមប្រឹក្សាខេត្ត លោក លោកស្រី អភិបាលរងខេត្ត ប្រធាន អនុប្រធានមន្ទីរអង្គភាពជុំវិញខេត្ត  កងកម្លាំងទាំង៣ អភិបាល ក្រុង/ស្រុកទាំង៨ និងអ្នកពាក់ព័ន្ធជាច្រើនរូបទៀត នៅសាលប្រជុំអគាររដ្ឋបាលសាលាខេត្ត៕លេខទំនាក់ទំនងអង្គភាពភ្នំពេញទាន់ហេតុការណ៍ /088 20000 Read more

PTH÷ នៅព្រឹកថ្ងៃទី២២ ខែមករា ឆ្នាំ២០២៦ ឯកឧត្តម ហឿ ស៊ីយ៉ែម ប្រធានក្រុមប្រឹក្សាខេត្ត និងឯកឧត្តម វ៉ា ថន អភិបាលខេត្តក្រចេះ អញ្ជើញចូលរួមពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារឆ្នាំ២០២៦ របស់រដ្ឋបាលខេត្តក្រចេះ ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ នៅសាលមហោស្រពខេត្ត។ អង្គសន្និបាតក៏មានការអញ្ជើញចូលរួមពី ឯកឧត្ដម បណ្ឌិត ស៊ាង ប៊ុនលាង រដ្ឋលេខាធិការក្រសួងមហាផ្ទៃ ឯកឧត្តម អនុប្រធានក្រុមការងាររាជរដ្ឋាភិបាលចុះមូលដ្ឋានខេត្ត ប្រធាន អនុប្រធានក្រុមការងាររាជរដ្ឋាភិបាលចុះមូលដ្ឋានក្រុង ស្រុក ឯកឧត្តម លោកជំទាវ ប្រតិភូក្រសួងមហាផ្ទៃ សមាជិកក្រុមប្រឹក្សាខេត្ត អភិបាលរងខេត្ត ប្រធានសាលាដំបូងខេត្ត ព្រះរាជអាជ្ញាអមសាលាដំបូងខេត្ត Read more

PTH÷ ក្នុងឱកាសអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០២៥ និងដាក់ទិសដៅការងារបន្តឆ្នាំ២០២៦ របស់សាខាកាកបាទក្រហមខេត្ត នាព្រឹកថ្ងៃព្រហស្បតិ៍ ទី២២ ខែមករា ឆ្នាំ២០២៦ ឯកឧត្តម វ៉ី សំណាង អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តតាកែវ បានជំរុញទៅដល់សាខាកាកបាទក្រហមខេត្ត ត្រូវបង្កើនសកម្មភាពរបស់ខ្លួនបង្រៀនតាមវិទ្យាល័យទាំងអស់ក្នុងខេត្ត អំពីបំណិនជីវិតដល់យុវជនស្ម័គ្រចិត្ត ដើម្បីកសាងសង្គមមួយដែលចេះស្រឡាញ់គ្នា ចេះជួយគ្នា និងចេះជួយយកអាសារគ្នាទៅវិញទៅមក។ឯកឧត្តម បានសង្កត់ធ្ងន់ថា «យើងមានវិទ្យាល័យច្រើន ដូច្នេះសុំឱ្យបង្កើនសកម្មភាពបង្រៀនតាមវិទ្យាល័យនានា ដល់ក្មួយៗសមាជិកដែលជាយុវជនស្ម័គ្រចិត្តរបស់កាកបាទក្រហម។ ការបង្រៀនអំពីបំណិនជីវិត នឹងធ្វើឱ្យពួកគាត់មានទស្សនវិស័យច្បាស់លាស់ក្នុងការងារស្ម័គ្រចិត្ត។ អ្វីដែលសំខាន់បំផុត គឺការរៀបចំអត្តចរិត និងបេះដូងរបស់ពួកគាត់ឱ្យចេះធ្វើអំពើល្អ។ ខ្ញុំចង់ឱ្យបង្រៀនចំណុចនេះឱ្យបានល្អបំផុតតាមគ្រប់វិទ្យាល័យ ដើម្បីឱ្យពួកគាត់យល់ដឹងអំពីការចេះជួយគ្នា»។ឯកឧត្តម អភិបាលខេត្ត និងជាប្រធានសាខា បានជឿជាក់ថា «សកម្មភាពទាំងអស់របស់កាកបាទក្រហម គឺការបង្ហាញអំពីការចេះចែករំលែក សេចក្ដីស្រឡាញ់ និងការចេះជួយយកអាសារគ្នាទៅវិញទៅមក។ នៅពេលដែលយុវជនរបស់យើងយល់ដឹងពីចំណុចទាំងនេះ ហើយចាកចេញពីសាលារៀនទៅរស់នៅក្នុងសង្គម Read more

PTH÷ នៅថ្ងៃទី២២ ខែមករា ឆ្នាំ២០២៦ រដ្ឋបាលខេត្តព្រៃវែង បានរៀបចំពិធីបើកសន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារឆ្នាំ២០២៦ របស់រដ្ឋបាលខេត្តព្រៃវែង ក្រោមអធិបតីភាពដ៏ខ្ពង់ខ្ពស់ ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងឯកឧត្តម សួន សុម៉ាលីន អភិបាលនៃគណៈអភិបាលខេត្ត ដែលពិធីនេះប្រារព្ធធ្វើនៅសាលប្រជុំធំ «A» សាលាខេត្តព្រៃវែង។ពិធីបើកសន្និបាតនេះដែរ មានការរាយការណ៍ ដូចខាងក្រោម៖-របាយការណ៍បូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់រដ្ឋបាលខេត្តព្រៃវែង និងក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង ដោយលោកនាយករដ្ឋបាលសាលាខេត្ត។-របាយការណ៍បូកសរុបលទ្ធផលការងារប្រឡងប្រណាំងអនុវត្តគោលនយោបាយ “ភូមិ- ឃុំ-សង្កាត់មានសុវត្ថិភាព” ក្នុងខេត្តព្រៃវែងឆ្នាំ២០២៥ ដោយលោកឧត្តមសេនីយ៍ទោ ស្នងការនគបាលខេត្ត។មានការធ្វើបទអន្តរាគមន៍ពីសំណាក់ប្រធានមន្ទីរ-អង្គភាព រដ្ឋបាលស្រុក រដ្ឋបាលឃុំ-សង្កាត់ ប៉ុស្តិ៍នគរបាលមួយចំនួន ដើម្បីត្រួតពិនិត្យ និងវាយតម្លៃអំពីលទ្ធផលការងារ និងការវិវឌ្ឍន៍ថ្មីៗ ដែលយើងទាំងអស់គ្នាបានខិតខំប្រឹងប្រែងសម្រេចបាន និងស្របតាមគោលនយោបាយដឹកនាំដ៏ត្រឹមត្រូវរបស់ប្រមុខរាជរដ្ឋាភិបាលកម្ពុជា។ ពិធីបើកសិន្និបាតនោះដែរមានការអញ្ជើញចូលរួមពី៖ Read more

PTH÷ នៅព្រឹកថ្ងៃទី២៣ ខែមករា ឆ្នាំ ២០២៦ ឯកឧត្តម សុខ លូ អភិបាល នៃគណៈ អភិបាលខេត្តបាត់ដំបង អញ្ជើញជាអធិបតីភាព ក្នុងពិធីប្រកាសចូលកាន់មុខតំណែងមន្ត្រីរាជការ ចំណុះរចនាសម្ព័ន្ធសាលាខេត្ត សាលាក្រុង ស្រុកពាក់ព័ន្ធ និងមន្ទីឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្ត មន្ទីរកសិកម្ម រុក្ខាប្រមាញ់និងនេសាទខេត្ត មន្ទីរប្រៃសនីយ៍ និងទូរគមនាគមន៍ខេត្ត មន្ទីរអប់រំ យុវជន និងកីឡាខេត្ត មន្ទីសេដ្ឋកិច្ច និងហិរញ្ញវត្ថុខេត្ត មន្ទីរការងារ និងបណ្តុះបណ្តាលវិជ្ជាជីវៈខេត្ត មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងមន្ទីរផែនការខេត្ត នៃសាលាខេត្តបាត់ដំបង ដែលមានការអញ្ជើញចូលរួមដោយ ឯកឧត្តម លោកជំទាវ លោកអភិបាលរង Read more

PTH÷ រដ្ឋបាលខេត្តកំពង់ធំ រៀបចំពិធីបើកសន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារឆ្នាំ២០២៦ របស់រដ្ឋបាលខេត្ត ក្រោមអធិបតីភាព ឯកឧត្តម ដៀប ពីរី ប្រធានក្រុមប្រឹក្សាខេត្ត និងឯកឧត្តម នួន ផារ័ត្ន អភិបាលខេត្តកំពង់ធំ នៅសាលប្រជុំប្រាសាទសំបូរព្រៃគុក សាលាខេត្តកំពង់ធំ នាព្រឹកថ្ងៃទី២២ ខែមករា ឆ្នាំ២០២៦។ថ្លែងនៅក្នុងកិច្ចប្រជុំឯកឧត្តម ដៀប ពីរី មានប្រសាសន៍លើកឡើងថា អង្គសន្និបាតនេះ គឺពិតជាមានអត្ថន័យ និងជាឱកាសដ៏មានសារៈសំខាន់ ក្នុងការវាយតម្លៃនិងឆ្លុះបញ្ចាំងអំពីលទ្ធផលការងារ ដែលរដ្ឋបាលខេត្តបានខិតខំប្រឹងប្រែងសម្រេចបាន និងរួមគ្នាពិនិត្យវាយតម្លៃអំពីបញ្ហាប្រឈមដែលនៅសេសសល់ ដើម្បីជាមូលដ្ឋានក្នុងការកំណត់ទិសដៅការងារសម្រាប់អនុវត្តកម្មវិធីកំណែទម្រង់នានារបស់រាជរដ្ឋាភិបាលឲ្យ កាន់តែមានប្រសិទ្ធភាពល្អប្រសើរថែមទៀត ជាពិសេសគឺការសម្រេចឲ្យបាននូវចក្ខុវិស័យកម្ពុជាឆ្នាំ២០៥០។ឯកឧត្តម ដៀប ពីរី បន្ថែមទៀតថា ទោះបីប្រទេសជាតិស្ថិតក្នុងស្ថានភាពនៃវិបត្តិព្រំដែនជាមួយប្រទេសថៃក៏ដោយ ប៉ុន្តែទាំងរដ្ឋបាលខេត្ដ ក្រុងស្រុក ព្រមទាំងមន្ទីរ-អង្គភាពជុំវិញខេត្ដ នៅតែយកចិត្តទុកដាក់ ខិតខំបំពេញ Read more