ខេត្តបាត់ដំបង÷កាលពីថ្ងៃទី ១២ ខែមិថុនា ឆ្នាំ ២០២៦វេលាម៉ោង ១០:៤៨ នាទីនៅចំណុចភូមិសាស្ត្រគីឡូ៩ ភូមិគីចំបក់ ឃុំជ្រៃសីមា ស្រុកសំពៅលូន ខេត្តបាត់ដំបង ដែលជាចំណុចគ្រប់គ្រង និងទទួលខុសត្រូវផ្ទាល់របស់កម្លាំងនគរបាលប៉ុស្តិ៍គីឡូ ៩ និងវីរៈការពារព្រំដែនគោក ៨១៧។សកម្មភាពក្រុមមេខ្យល់បានដឹកពលករតាមម៉ូតូចំនួន ០៣ គ្រឿង មានពលករចំនួន ៨ នាក់ មកទម្លាក់នៅទល់មុខខ្លោងទ្វារវត្តគីឡូ ៩ ដើម្បីឲ្យពលករដើរសំដៅឆ្លងដែនទៅប្រទេសថៃដោយខុសច្បាប់ ដោយមិនគិតពីសុវត្ថិភាពពួកគាត់ទាល់តែសោះ ។ ទាំងនេះគួរបញ្ជាក់បានថាប៉ូលីសព្រំដែនគោកលេខ ៨១៧ ហាក់មិនយកចិត្តទុកដាក់នៅបទបញ្ជារបស់ប្រមុខរាជរដ្ឋាភិបាល នាំគ្នាដេកលង់លក់ដោយទុកឲ្យមេខ្យល់ធ្វើសកម្មភាពតាមគោលដៅរបស់ខ្លួនដោយសេរី មហាជនបានលើកឡើងថាព្រំដែនបច្ចុប្បន្នគឺមានការរឹតបន្តឹងយ៉ាងម៉ឺងម៉ាត់ ចំណែកឯមេខ្យល់នៅតែអាចធ្វើសកម្មភាពបាន ។គួររំលឹកផងដែរថាក្រៅពីកម្លាំងនគរបាលការពារព្រំដែនមានដូចជា កម្លាំងយោធាសឹករងស្រុកសំពៅលូន និងកម្លាំងយោធាសឹករងស្រុកភ្នំព្រឹក ដែលជាកម្លាំងអន្តរាគមន៍ និងមានភារកិច្ចស្នូលក្នុងការសហការការពារសន្តិសុខតាមខ្សែបន្ទាត់ព្រំដែន បែរជាហាក់បីដូចជាមានចន្លោះប្រហោងក្នុងការសហការទប់ស្កាត់បទល្មើសឆ្លងដែនខុសច្បាប់ទៅវិញ។ ចំណែកមតិមហាជនមួយចំនួនផ្សេងទៀតបានលើកឡើងថាខ្មោចស្រុកមិនឲ្យដៃខ្មោចព្រៃក៏មិនអាចដើរឆ្លងកាត់នូវបន្ទាត់ព្រំដែនការពាររបស់ខ្លួនបានដែរពាក់ព័ន្ធរឿងរ៉ាវកើតហេតុខាងលើជាញឹកញាប់តើលោកវីរសេនីយ៍ ម៉ង សុី មេវីរ:ព្រំដែនគោកលេខ៨១៧ដឹងឬយ៉ាងណា ការសំណូមពររបស់មហាជនសង្ឃឹមយ៉ាងមុតមាំថា ថ្នាក់ដឹកនាំខេត្តបាត់ដំបង ជាសេស ឯកឧត្តម សុខ លូ អភិបាលនៃគណ:អភិបាលខេត្តនឹងជាប្រជាធានគណ:បញ្ជាការឯកភាពបង្ក្រាបបទល្មើស និងចាត់វិធានការយ៉ាងតឹងរឹងចំពោះមន្ត្រីរូបណាដែលហ៊ានល្មើសនិងបទបញ្ជារបស់ប្រមុខថ្នាក់ដឹកនាំជាក់ជាមិនខាន។(ប្រភពខ្មែរជាយដែន)អង្គភាពយើងខ្ញុំធ្វើការចុះផ្សាយដោយគ្មានចេតនាធ្វើឲ្យប៉ះពាល់កិត្តិយសសេចក្តីថ្លៃថ្នូរឬបង្កាច់បង្ខូចទៅលើស្ថាប័នណាមួយឡើយ ហើយអង្គភាពយើងខ្ញុំរងចាំការបំភ្លឺពីអង្គភាពពាក់ព័ន្ធរៀងរាល់ម៉ោងធ្វើការ រិះគន់ក្នុងន័យស្ថាបនា៕
