ខេត្តបាត់ដំបង÷ បើតាមរបាយការណ៍របស់សមត្ថកិច្ចបានធ្វើការឃាត់ខ្លួនមេខ្យល់ដែលនាំពលករឆ្លងដែនដោយខុសច្បាប់កាលពីថ្ងៃទី ១៣ខែមិថុនាឆ្នាំ ២០២៦មកដល់ថ្ងៃទី ១៤ ខែឆ្នាំដដែលសមត្ថកិច្ចបានធ្វើការសាវជ្រាវនិងឃាត់ខ្លួនបានមេខ្យល់ ១ ម្នាក់ឈ្មោះ រិត ផលរ៉ា ភេទប្រុស អាយុ២៦ ឆ្នាំ ជនជាតិខ្មែរ មានទីលំនៅភូមិពោធិ៍ជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង ចំណែកមួយនាក់ទៀតកំពុងតែរត់គេចខ្លួនទាំងនេះគួរបញ្ជាក់បានថាពិតជាកើតមាននៅពលករឆ្លងដែនដោយខុសច្បាប់យ៉ាងពិតប្រាកដមែន។របាយការណ៍សមត្ថកិច្ចមានដូចតទៅ(មុខសញ្ញានាំមនុស្សឆ្លងដែនដោយខុសច្បាប់ម្នាក់ក្នុងចំណោមបក្សពួកផ្សេងទៀតត្រូវបានបង្រ្កាបឃ-ាត់ខ្លួនអនុវត្តតសមច្បាប់នៅស្រុកសំពៅលូន៖កាលពីនៅថ្ងៃទី ១៤ ខែ មិថុនា ឆ្នាំ២០២៦ វេលាម៉ោង ១០និង ៣០ នាទីនៅចំណុចភូមិសាស្ត្រក្រុមទី០៧ ភូមិស្រឡៅជ្រុំ ឃុំសិរីមានជ័យ ស្រុកសំពៅលូន ខេត្តបាត់ដំបង ស្របតាមអនុសាសន៍ដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការដឹកនាំបញ្ជារបស់លោក ឧត្តមសេនីយ៍ទោ ដាញ់អេងប៊ុន ចាន់ ស្នងការនៃស្នងការដ្ឋាន នគរបាលខេត្តបាត់ដំបង លោកវរសេនីយ៍ទោ ទឹម វិឆ័យ អធិការនគរបាលស្រុកសំពៅ លូន រួមសហការជាមួយលោកវរសេនីយ៍ឯក ម៉ង់ ស៊ី មេ បញ្ជាការវរសេនាតូចនគរបាលការពារព្រំដែនគោកលេខ៨១៧ ដឹកនាំកម្លាំងធ្វេីការស្រាវជ្រាវករណីនាំមនុស្សឆ្លងដែន ដោយខុសច្បាប់ ដែលត្រូវបានផ្សព្វផ្សាយក្នុងបណ្តាញសង្គមកាលពីថ្ងៃទី១៣ខែ មិថុនា ឆ្នាំ២០២៦ ម្សិលមិញ រហូតឈានទៅធ្វេីការឃ-ាត់ខ្លួនមុខសញ្ញាម្នាក់ឈ្មោះ រិត ផលរ៉ាភេទប្រុស អាយុ២៦ ឆ្នាំ ជនជាតិខ្មែរ មានទីលំនៅភូមិពោធិ៍ជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង។ រូបគាត់បានសារភាពថាពិតជាបានធ្វើសកម្មភាពទាក់ទងនាំពលករឆ្លងដែនដោយខុសច្បាប់នៅចំណុចភូមិចំបក់ ឃុំជ្រៃសីមា ស្រុកសំពៅលូន ខេត្តបាត់ដំបង ប្រាកដមែន ជាទីដែលស្ថិតនៅចន្លោះឆ្ងាយពីគោលដៅការពាររបស់សមត្ថកិច្ចនៅទីនោះ។ ការធ្វេីសកម្មភាពនេះមានបក្សពួកម្នាក់ទៀតដែលបាននិងកំពុងរត់គេចខ្លួនពីមូលដ្ឋានតែសមត្ថកិច្ចកំណត់សាវតាជាតិបានរួចរាល់ហេីយ។ ពេលនេះសមត្ថកិច្ចរៀបចំបញ្ជូនមកការិយាល័យជំនាញអនុវត្តបន្តតាមនីតិវិធី ច្បាប់ ៕(រូបភាពនគរបាលស្រុកសំពៅលូន)មហាជនមានការត្រេកអរនិងសាទរចំពោះការសាវជ្រាវរបស់កងកម្លាំងសមត្ថកិច្ចដែលឈានទៅដល់កំណត់មុខសញ្ញានិងឃាត់ខ្លួនបានមេខ្យល់ដែលតែងតែនាំពលករឆ្លងដែនទៅប្រទេសថៃដោយខុសច្បាប់ បានយ៉ាងឆាប់រហ័ស។
