ខេត្តសៀមារប÷លោកឩត្តមសេនីយ៍ទោ ហួត សុធី ស្នងការនគរបាលខេត្តសៀមរាបហាក់ធ្វើមិនដឹងមិនឮរាល់ល្បែងសុីសងខុសច្បាប់ក្នុងខេត្តសៀមរាបទាំងមូល បើយោងតាមប្រភពប្រជាពលរដ្ឋរស់នៅក្បែរល្បែងឡូតូទាំងនោះបានអោយដឹងថា មួយថ្ងៃៗពលរដ្ឋដែរញៀនល្បែងជល់មាន់តាមអនឡាញនាំគ្នាសម្រុកចូលលេងដូចហែរអង្គកឋិនទាន។ពួកគាត់បានបង្ហើបទៀតថា មេបនល្បែងទាំងនោះបច្ចុប្បន្នកំពុងអួតប្រាប់អ្នកញៀនថា សូមលេងដោយទំនុកចិត្តចុះពួកគេរត់ការពីលើដល់ក្រោមអស់ហើយ គឺគ្មានសមត្ថកិច្ចណាហ៊ានមកក្បែរទីតាំងរបស់ពួកគេទេ។ ពលរដ្ឋបានបង្ហើបទៀតថា តើមេបនល្បែងសុីសងខុសច្បាប់ឈ្មោះ(ខ្លា)ជាអ្នកណាទើបសមត្ថកិច្ចពីលើដល់ក្រោមមិនហ៊ានមកក្បែរ នឹងមិនបង្ក្រាបទាល់តែសោះ ឬមួយដូចអ្វីដែលកូនចៅលោក ខ្លា អួតប្រាប់អ្នកញៀនល្បែងពិតមែនឬយ៉ាង ណា?ថ្ងៃទី២៨ ខែមិថុនា ឆ្នាំ២០២៦។ចំណែកទីតាំងដែលដាក់ក្នុងភូមិ សង្កាត់ ក្រុងសៀមរាបមានដូចជា÷
១.ភូមិទំនប់អញ្ចាញ សង្កាត់អង្គធំ ក្រុងខេត្តសៀមរាប ដាក់ចំនួន២ទីតាំងមានម៉ាសុីនម៉ូនីទ័រ៣គ្រឿង
២.ភូមិមណ្ឌល៣ សង្កាត់ស្លក្រាម មានម៉ាសុីនម៉ូនីទ័រ១គ្រឿង
៣.ភូមិចុងកៅស៊ូ សង្កាត់ស្លក្រាម មានម៉ាសុីនម៉ូនីទ័រ២គ្រឿង
៤.ភូមិបន្ទាយចាស់ សង្កាត់ស្លក្រាម ដាក់ចំនួន២ទីតាំងមានម៉ាសុីនម៉ូនីទ័រ៣គ្រឿង
៥.ភូមិតាវៀន សង្កាត់សាលាកំរើក ២ទីតាំងមានម៉ាសុីនម៉ូនីទ័រ៥គ្រឿង
៦.ភូមិជល្លុង សង្កាត់សាលាកំរើក មានម៉ាសុីនម៉ូនីទ័រ១គ្រឿង
៧.ភូមិវិហាចិន សង្កាត់ស្វាយដង្គំ ៣ទីតាំងមានម៉ាសុីនម៉ូនីទ័រ៣គ្រឿង
៨.ភូមិតាភុល សង្កាត់ស្វាយដង្គំ មានម៉ាសុីនម៉ូនីទ័រ១គ្រឿង រួមនឹងកន្លែងបើកណែតដែរ
៩.ភូមិសាលាកន្សែង សង្កាត់ស្វាយដង្គំ មានម៉ាសុីនម៉ូនីទ័រ១គ្រឿងជ្រកក្រោមស្លាក(ក្លឹបកីឡាបាល់ទះក្រុងអង្គ)
១០.ភូមិសាលាកន្សែង សង្កាត់ស្វាយដង្គំ មានម៉ាសុីនម៉ូនីទ័រ២គ្រឿងជ្រកក្រោមស្លាក(ក្លឹបកីឡា ១៦៩ ផ្សារដើមក្រឡាញ់) បញ្ជាក់គ្រប់ទីតាំងទាំងអស់គឺនៅដំណើដដែល។
បើយោងតាម គោលនយោបាយភូមិសង្កាត់មានសុវត្តិភាពទាំង៧ចំណុចរបស់ក្រសួងមហាផ្ទៃ និងអនុសាសន៍ដ៏ខ្ពង់ខ្ពស់ កាលពីថ្ងៃ ទី១៨ ខែកុម្ភះ ឆ្នាំ២០២៤ សម្តេចបវរធិបតី ហ៊ុន ម៉ាណែត បានដាក់បទបញ្ជាឲ្យអភិបាលទាំង២៥ ខេត្ត/ក្រុង/រាជធានី, តម្រូវឲ្យបង្រ្កាបទីតាំងបនល្បែងស៊ីសងតាមអនឡាញ ឆ្នោតយួន អាប៉ោង ទូហ្គេម នឹងល្បែងផ្សេងៗគ្រប់ប្រភេទ និងកន្លែងចែកចាយ នូវប្រភេទថ្នាំ ដែលមានសារធាតុញៀន ខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង)។ប្រជាពលរដ្ឋបានលើកឡើងថា ការអនុវត្តគោលនយោបាយរបស់អាជ្ញាធរខេត្តសៀមរាប ហាក់ដើរផ្ទុយពីគោលនយោបាយរបស់ថ្នាក់ដឹកនាំកុំពូល ដោយមិនបានទប់ស្កាត់ហាក់បង្កើតថែមឲ្យមានល្បែងអនឡាញកាន់តែរីករាលដាលថែមទៀត។ជាចុងក្រោយប្រជាពលរដ្ឋដែររស់ក្បែរទីតាំងខាងលើសំណូមពរទៅដល់ឯកឩត្តម ប្រាក់ សោភ័ណ អភិបាលនៃគណ:អភិបាលខេត្តសៀមរាប ជាពិសេសឯកឩត្តមអភិសន្តិបណ្ឌិត ស សុខា ឩបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មេត្តាជួយពួកគាត់ផងបច្ចុប្បន្នគ្រួសាររបស់ពួកគាត់មានការភ័យខ្លាចយ៉ាងខ្លាំង នៅសុវត្តិភាពក្នុងមូលដ្ឋានគាត់ខ្លាចមានដូចជា ចោលួច ចោរប្លន់ ចោរឆក់ កើតអំពើរហឹងសារក្នុងគ្រួសារជាដើម។ល។ ដោយសារចាញ់ល្បែងសុីសងទាំងនោះ។អង្គភាពយើងខ្ញុំ ធ្វើការផ្សព្វផ្សាយនេះ ទៅតាម វីជ្ជាជីវៈ រិះគន់ក្នុងន័យស្ថាបនា មិនមានចេតនាញុះញង់ បំបែកបំបាក់ បុគ្គលស្ថាប័ន ឬអង្គភាពណាមួយឡើយ ហើយអង្គភាពយើងខ្ញុំនឹងរងចាំការបំភ្លឺរៀងរាល់ម៉ោងធ្វើការ លេខទូរស័ព្ទ(.088 20 000 43 / 078 75 30 37 )សូមអរព្រះគុណនិងសូមអរគុណ៕នៅមានវគ្គបន្តបើមិនបង្ក្រាប
