PTH÷ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត ប្រជុំរកដំណោះស្រាយជាក្រុមហ៊ុនអគ្គីសនីអានកូ តម្រូវឲ្យអតិថិជនដែលប្រើប្រាស់ថាមពលច្រើនដំឡើងប្រាក់កក់ត្រូវបានដោះស្រាយបញ្ចប់។ បើយោងតាមប្រភពឯកឧត្តបណ្ឌិតរដ្ឋបាលក្រុងប៉ោយប៉ែត.ក្រោយពីក្រុមហ៊ុនអគ្គីសនីអានកូ តម្រូវឲ្យអតិថិជនដែលប្រើប្រាស់ថាមពលច្រើនដំឡើងប្រាក់កក់ ខ្ញុំបាទ ប៉ាន់ខែម ប៊ុនថន ក្នុងនាមប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត លោក គាត ហ៊ុល អភិបាលនៃគណៈអភិបាលក្រុង រួមនឹងរដ្ឋបាលក្រុងប៉ោយប៉ែត បានបើកកិច្ចប្រជុំរកដំណោះស្រាយ កាលពីព្រឹកថ្ងៃទី២៦ ខែមីនា ឆ្នាំ២០២៦ នៅរដ្ឋបាលក្រុងប៉ោយប៉ែត។ក្រោយប្រជុំនឹងពិភាក្សារួចមកជាដំណោះស្រាយ ជូនពួកគាត់ ឃើញថា ដំណោះស្រាយមានពីរ៖ ទី១. អតិថិជនអាចកក់ប្រាក់ដែលមានទំហំទៅតាមថាមពល ដែលខ្លួនប្រើប្រាស់ប្រចាំខែ បើសិនជារការប្រើប្រាស់មានការថយចុះ ក្រុមហ៊ុនត្រូវប្រគល់ប្រាក់កក់ឲ្យទៅអតិថិជនវិញទី២. គឺម្ចាស់អគារមិនបាច់កក់ប្រាក់បន្ថែមទេ តែត្រូវធ្វើកិច្ចសន្យារជាក់លាក់ដើម្បីធានាការទូទាត់ថ្លៃថាមពលអគ្គីសនីឲ្យទៅក្រុមហ៊ុនដោយគ្មានលក្ខខ័ណ្ឌ ទោះជាមានបញ្ហាអ្វីកើតឡើងក៏ដោយ។ដំណោះស្រាយទាំងពីរខាងលើនេះ ឃើញថាទាំងក្រុមហ៊ុនអគ្គីសនីអានកូ និងអតិថិជនបានឯកភាព យល់ព្រមយកដំណោះស្រាយទាំងពីរដោយក្តីរីករាយ ហើយសំរាប់អតិថិជន អាចជ្រើសរើសដំណោះស្រាយណាមួយ ដែលខ្លួនពេញចិត្ត និងជួបជាមួយក្រុមហ៊ុន ដើម្បីធ្វើកិច្ចសន្យាដែលខ្លួនបានព្រមព្រៀងគ្នាពីខាងលើ ។ទាំងនេះគឺជាការយកចិត្តទុកដាក់សុខទុក្ខបងប្អូនប្រជាពលរដ្ឋនៅក្នុងប៉ោយប៉ែតដែលឯកឧត្តមតែងតែចុះជាប្រចាំរាល់កើតមានបញ្ហាមិនថាតូចធំគឺមានវត្តមានឯកឧត្តមជានិច្ច៕
