ភ្នំពេញទាន់ហេតុការ:ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាៃផ្ទ សារលិខិតរំលែកបរណទុក្ខ ផ្ញើជូនលោកស្រី ឡេង ណៃគីម និងក្រុមគ្រួសារខ្ញុំ និងក្រុមគ្រួសារ ព្រមទាំងថ្នាក់ដឹកនាំ មន្ត្រីរាជការស៊ីវិល មន្ត្រីពន្ធនាគារ និងមន្ត្រីនគរបាលជាតិ នៃក្រសួងមហាផ្ទៃ មានសេចក្ដីក្ដុកក្ដួល រន្ធត់តក់ស្លុត និងសោកស្តាយជាអនេក ចំពោះដំណឹងមរណភាព របស់លោកអនុសេនីយ៍ឯក ដាក់ សារិន នាយរងផ្នែកប្រឆាំងបទល្មើសគ្រឿងញៀន នៃស្នងការដ្ឋាន នគរបាលខេត្តសៀមរាប ដែលត្រូវជាស្វាមីរបស់លោកស្រី បានទទួលមរណភាពនៅថ្ងៃពុធ ៣រោច ខែពិសាខ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១៤ ខែឧសភា ឆ្នាំ២០២៥ វេលាម៉ោង ១០.២០នាទី ក្នុងជន្មាយុ ៤៦ឆ្នាំ ដោយគ្រោះថ្នាក់ចរាចរណ៍។ក្នុងវេលាប្រកបដោយទុក្ខព្រួយដ៏សោកសង្រេងជាទីបំផុតនេះ ខ្ញុំសូមចូលរួមរំលែកមរណទុក្ខដ៏ ក្រៀមក្រំនេះជាមួយលោកស្រី និងក្រុមគ្រួសារ ដោយសេចក្តីអាឡោះអាល័យរកអ្វីប្រៀបផ្ទឹមពុំបាន ចំពោះ ការបាត់បង់ដ៏ធំធេងនូវស្វាមី ឪពុក និងបងប្អូន ជាទីគោរពស្រលាញ់ដ៏ជ្រាលជ្រៅ របស់ភរិយា កូនៗ បងប្អូន និងក្រុមគ្រួសារ។ខ្ញុំសូមឧទ្ទិសបួងសួងដល់ដួងវិញ្ញាណក្ខន្ធរបស់លោកអនុសេនីយ៍ឯក ដាក់ សារិន បានទៅកាន់ ឋានបរមសុខក្នុងសុគតិភព កុំបីឃ្លៀងឃ្លាតឡើយ។សូមលោកស្រី និងក្រុមគ្រួសារ ទទួលនូវមនោសញ្ចេតនាចែករំលែកនូវមរណទុក្ខដ៏ក្រៀមក្រំបំផុតពីយើងខ្ញុំ។នៅថ្ងៃសុក្រ ៥រោច ខែពិសាខ ឆ្នាំម្សាញ់ សប្ដស័ក ព.ស.២៥៦៩ រាជធានីភ្នំពេញ ថ្ងៃទី១៦ ខែឧសភា ឆ្នាំ២០២៥អភិសន្តិបណ្ឌិត ស សុខា៕
